Sunday, December 4, 2011

അപേക്ഷ ..

ഭാരത സര്‍ക്കാരിനോട് ...

എനിക്കിനിയുമൊരു
പാസ്പോര്‍ട്ട് വേണം
മുഖമിതുതന്നെ
വയസ്സിതുതന്നെ
മേല്‍വിലാസവുമിതുതന്നെ
പ്രഥമല്ലായിരുന്നു,അല്ല,
യെങ്കിലുമൊരു പൌരന്‍
ഭാരതീയന്‍...
ലിങ്കന്റെ നാട്ടിലെയ്ക്കൊന്നു പോണം
കിങ്ങിന്റെയാ നാടോന്നു ചുറ്റിക്കാണണം
എന്‍റെ കൗപീനത്തിനും കാലുറയ്ക്കും
സൗന്ദര്യമില്ല ,പ്രദര്‍ശനം പറ്റില്ല
ഭയജ്വരം ബാധിച്ചവരുടെ ഇടയിലേയ്ക്ക്
പോകാന്‍ , ഒരു അപേക്ഷ മാത്രം
എനിക്ക് അമുസ്ലീമിന്റെ
നാമം മാത്രം ചാര്‍ത്തി തരണം.

No comments:

Post a Comment